Poem, no date (1581), Gregor Frisch to Hieronymus Reusner (BP.Erastus.1581-03)

Author:	Gregor Frisch
Recipient:	Hieronymus Reusner
Type:	Poem
Date:	no date [1581]
Pages:	1
Language:	Latin

Quote as:

https://www.theatrum-paracelsicum.com/index.php?curid=5896

Editor:	Edited by Julian Paulus
Source:	Thomas Erastus, Theses de sudore, Respondent: Hieronymus Reusner, Basel: Leonhard Ostein 1581, sig. B4v [BP.Erastus.1581-03]

Translation:

Raw translation see below

Back to Paratexts Back to Texts by Gregor Frisch

[sig. B4v] Difficilia, qvae pvlcra.

Morborum innumeros casus, causas#´que latentes,
Noscere difficile est.
Ergonè membra aptis herbis infecta leuare,
Desinet omnis amor?
Quin immò, quò res magis est subiecta labori,
Est adamanda magis.
Non bene seruatur cupidis thesaurus in arca
Furibus exposita.
Inclusit uires rebus Natura creatis,
Innumeras#´que uices:
Has data non ulli est recludere copia, cui non
Dius Apollo fauet.
Non quisquàm facinus magnum sine robore uidit,
Aut sine laude decus.
Ardva virtvtis fertur via: laudis amantem
Musa perire uetat.
Tentandum est: Vincit docilis solertia: palma
In medio posita est:
Hanc nemo arripiet, doctrinæ robore fultus
Ni facit officium.
Nec multi pareant anni fastidia, cursum
Aut mora sollicitet.
Non caput Ausoniæ primùm; noua Roma, sed annis
Pluribus aucta fuit.
Quæsitum subitò, subitò euanescit, in auras
Et citò facta cadunt.
Ergo subi, quodcunque cupis, cœptum#´que labores
Non remorentur iter.
Audentes Fortuna iuuat, qui uiribus æquis
Et ratione petunt.
Si suprema negat fera sors fastigia rerum,
Laudis erunt media.
Non omnes similes: Non omnia possumus omnes:
Sic, Voluisse, sat est.

Gr[egorius] Fr[isch] Vr[atislaviensis]