Text.Crollius.1609-01.!2r/Text
[sig. ()2r] Privilegium Cæcareum.
Rudolphus Secundus diuina fauente clementia Electus Romanorum Imperator semper August ac Germaniæ, Hungariæ, Bohemiæ, Dalmatiæ, Croatiæ, Sclauoniæ &c. Rex, Archidux Austriæ, Dux Burgundiæ, Stiriæ, Carinthiæ, Carniolæ & Wiertembergæ, &c. Comes Tirolis &c. Agnoscimus & vigore præsentium notum facimus omnibus & singulis, quod cum noster & Sacri Imp[erii] fidelis dilectus Osualdus Crollius Illustr[i] Christiani Principis Anhaltini, Comitis Ascaniæ, & Domini in Bernburg, Consanguiniei & Principis nostri charißimi Medicus Ordinarius nobis humiliter exposuerit, longo se studio laboribusque & sumptibus immensis in gratiam utilitatis publicæ Basilicam Chymicam, præstantißimis Chymicorum Remediorum formulis refertam, partim ex monumentis Paracelsi & conuersatione eruditorum Virorum, partim experientiæ suæ ipsius documentis congestam & ordine methodoque certâ in corpus redactam, typis in lucem edere statuisse. Vereri autem ne quod fieri solet, alii quæstui inhiantes candem Basilicam Chymicam sibi aut Typographo suo in fraudem edant, ac proinde nos rogârit ut Priuilegio nostro suæ consulere indemnitati dignaremur. Nos sanè pro benignâ nostrâ in præfatum Osualdum Crollium, cuius ipsi operâ usi fuimus, animi inclinatione, & in bonarum artium ac desciplinarum studia affectione, humilibus eiusdem precibus deesse noluimus. Quamobrem authoritate nostrâ Cæsareâ omnibus & singulis Typographis, Bibliopolis & aliis quibuscunque librariam negotiationem exercentibus serio inhibemus & vetamus, ne quis prædictam Osualdi Crollii Basilicam Chymicam, verùm etiam alios libros Chymico Medicos imposterum ab ipso edendos per decem annorum spatium à prima cuiusque editionis die computandum intra Sacri Rom[anae] Imp[erii] Regnorumque & Dominiorum nostrorum hæreditariorum fines simili aut alio quouis typo vel forma siue in toto siue in parte recudere aut alio recudenda dare, vel alibi etiam impressa adducere, vendere aut distrahere, clàm vel palàm citra voluntatem & consensum prænominati Osualdi Crollii & hæredum eius præsumat. Si quis verò secùs faciendo Priuilegium & interdictum hoc nostrum Cæsareum spernere, negligere aut transgredi conatus [sig. ()2v] fuerit cum non solum huiusmodi libris perperam quippe recusis & adductis (quos quidem antedictus Osualdus Crollius illiusq́ue hæredes & mandatarii vbicunque depræhensos siue propriâ authoritate vel Magistratus loci illius auxilio sibi vendicare poterunt) de facto priuandum, sed & pœna insuper decem marcharum auri puri fisco nostro Cæsareo fraudis vindici & sæpedicti Osualdi Crollii eiusve hæredum vsibus ex æquo pendenda decernimus, omni spe veniæ sublatâ, mulctandum. Dummodo tamen istiusmodi libri nihil in se scandalosum Orthodoxæ Religioni Catholicæ, Sacrique Rom[ani] Imp[erii] constitutionibus aduersum, vel bonis moribus contrarium siue in præfatione siue in textu contineant, Et iam dictus Osualdus Crollius terna vt minimum singulorum operum exemplaria propriis sumptib[us] quàm primum ad Cancellariam nostram Imperialem transmiserit. Mandamus ergo vniuersis ac singulis nostris & Sa[crae] Imp[erii] Regnorumq́ue & Dominiorum nostrorum hæreditariorum subditis & fidelibus dilectis cuiuscunque status, gradus, Ordiinis, Conditionis, dignitatis, aut præeminentiæ existant, tam Ecclesiasticis quàm secularibus, præsertim verò iis qui in magistratu constitui vel proprio vel superiorum suorum nomine & loco iuris & Iustitiæ administrationem exercent, ne quenquam Priuilegium hoc nostrum Cæsareum temerè & impunè transgredi, violare aut spernere patiantur, quin potius contumaces, si quos compererint, præscriptâ pœnâ plecti aliisque idoneis modis coerceri curent. Quatenus & ipsi eandem multctam euitare & grauißimam indignationem incurrere noluerint, Harum testimonio literarum manu nostrâ subscriptarum & sigilli nostri Cæsarei impreßione munitarum. Datum in arce nostra Regia Pragæ die secunda mens[is] Maii Anno Domini Millesimo Sexcentesimo octauo, Regnorum nostrorum Rom[anorum] trigesimo tertio, Hungarici trigesimo sexto, & Bohemici itidem trigesimo terio. &c.
Rvdolphvs.
Ad Mandatum Sa[crae] Cæs[areae] Maiest[atis] proprium
