Letter, 1615-04-23, Jacob Alstein to Moritz Landgraf von Hessen-Kassel, KassUB 2chem19.1 341
| Author: | Jacob Alstein |
| Recipient: | Moritz Landgraf von Hessen-Kassel |
| Date: | 1615 April 23 |
| Place: | Marburg |
| Pages: | 1 |
| Language: | Latin |
| Editor: | Edited by Julian Paulus |
| Source: | Kassel, UB, 2° Ms. chem. 19[1, f. 341—342 (alt f. 327—328) |
| Quote as: | https://www.theatrum-paracelsicum.com/index.php?curid=538 |
| Names: | Raphael Egli |
| Places: | Frankfurt am Main; Aschaffenburg |
[f. 341r] S[alutem]. Illustrissime ac potentissime princeps, domine clementissime,
ante paulas hebdomadas Francofurtum abij eo animo, ut ibi aliquam pecuniolae summam procurarem, quo eo melius ac citius meum iter conficere possem, at cum omne ex voto mihi non successit, oportet adhuc per aliquot dies in hisce locis subsistere, usque tabellarius adveniat, ne alibj eum damno mutuo assutuere cogar.
Verum cum ante duos menses Aschaffenburgj liber quidam, inquo multa egregia consenoseram{?} secreta mihi furto fuit ablatus, ne tempus inutiliter laberetur, secessi eo videre cupiens num librum istum redhabere possem. Nactus sum equidem, sed dimidiam fere adhuc desidero partem: jn restante parte invenio secretum quoddam videlicet proiectio: nem aliquam supra pruriam (nempe ut pars terrestris cadat ad fundam et aqua communis per inclinationem separetur) quae mihi multum a multis est commendata et licet aliquot annis tenuerim, tamen ob continuas meas peregrinationes experimentum eius facere non potuj.
Quapropter cum c[elsitudinis] v[estrae] salinas, ubi hoc secretum vtile esse posset, habeat egregias et jam tempus instet ut omnia necessaria habere possimus ad manus, voluj v[estrae] c[elsitudinem] secretum hoc humiliter submittere et offerre, rogitans, si ita placeat, ut experimentum eius fierj curet, et postea aut per D[octor] Eglinum aut per alium num verum, numferum clementer mihi significet.
Hoc si fecerit, habebit me iterum ad quaevis officiomum{?} genera promtissimum, paratissimum. Hisce valeat v[estrae] c[elsitudo] ἐπιμηριστον{?}, et me, ut fecit ante, amore ac favore complectj non desinat.
Marpurgj, 23 april[is] a[nno] 1615.
V[estr]ae cels[itudinis] observ[antissimus]
Jacob Alstein comes palatinus &c.
