Text.Duclo.1592-02.A2r/Text

[Text taken from the 1602 edition, BP.Duclo.1602-02]

[p. 217] Illvstri et generosissimo atqve splendidissimo D[omino] Iacobo Laffinio, Regij ordinis equiti Aurato, Baroni d’Aubusson, Gaston Dvlco Salvtem.

Cogitanti mihi, cui potissimum hos qualescunque labores meos dicarem, de triplici argenti & auri præparatione, tu mihi vnus omnium occurristi, qui hoc honore verè sis dignus. Nam [p. 218] tametsi Illustri genere natus, inter arma educatus, pro regij status defensione, huiusq́ue Galliæ nostræ, omniumq́ue salute viriliter & strenuè semper te gesseris, atque impetum aciei Hispaniæ inimicæ Lagniaco obsesso, cui à Rege præfectus eras, superioribus his annis fortiter sustinueris: nihilominus magno semper in honore apud te fuere literarum studiosi, & arcanorum naturæ perscrutatores acerrimi, præsertim in Argyropœia & Chrysopœia. Nec laboribus & sumptibus pepercisti vt ab his, qui callere artem hanc profitebantur, aliquid sæpius tentatum fuerit: scio multos a- [p. 219] pud te multis annis, tuis multisq́ue sumptibus plurima expertos fuisse, paucos viros probos, plures, qui montes aureos pollicerentur, nihil præstitisse. Quod plærunque apud me condolui. Sed quoniam post multos perpessos labores, multasq́ue impensas factas plærunque prosperum aliquid solet occurrere, te eorum, quæ paucis ab hinc diebus in manus meas inciderunt, facere participem, idq́ue etiam, ex promisso, mearum esse partium existimaui, eaq́ue prælo commisso nomini tuo dicare. Quæ si tibi grata & accepta intellexero, demonstrare aliquando re ipsa conabor, saltem duas priores [p. 221] auri præparationes. Quæ licet à nobis apertissime descriptæ videantur, tamen in opere practico vix ad exitum perducentur, nisi ab eo, qui idem operi conficiendo adfuerit. Bene Vale, & vt soles nos amare, ama. Niuernis Calendis Septembr[is]. 1594.