Text.BP190.B4v/Text
[p. 24] B. G. Londrada a Portv Aqvitanvs, hvmano lectori s[alvtem].
Tractatus hic experimentorum Paracelsicorum (amice lector) ex dono cuiusdam Illustrißimi Principis Germaniæ ad me peruenit. Hanc quoniam Paracelsi esse satis luculenter constat, duxi mihi soli non reseruandum, sed in publicum edendum, quoniam absconditi thesauri nulla est vtilitas. Hoc qualecunque est, beneuole lector, accipe. Et breui plura & maiora (Deo volente) expecta. Sed vnum est quod te latere nolui, quando nimirum exhibes essentias illas Paracelsi exaltatas, & olea pretiosa, ne putes illas per se exhiberi, sed semper cum vehiculo aliquo, illis esse vtendum ventriculo prius specifico aliquo Theophrasti expurgato: vt exempli gratia. Si velis alicui oleum vitrioli porrigere, immisce quinque vel sex guttas vnciæ conseruæ rosarum, & ita tuto exhibebit. Item de reliquis erit iudicandum. His[c1] feliciter fruere. Vale.
