Brusch 1551 Monasteriorum
Bibliography
Text
Postea Regusium Abbatis Fabariensis & Septipagensium Heluetiorum pagum perfluens, è regione Mayenfeldi praeclarae ciuitatulae Rheno infunditur. Has thermas anno Christi 1242, temporibus uidelicet Imperatoris Friderici secundi, à Venatore quodam, cui Aucipi nomen erat, inuentas: & natura calidam aquam, eandemque pellucidam, purissimam, humanique gustui maxime delectabilem habentes, ex auri & cupri uenis defluere animaduersum est. Scripsit de harum natura celebris Medicus Theophrastus Paracelsus. Aqua earum reciproca est, quae semper in octobri desicere & euanescere, & per hyemem ueluti mortua esse, in Maio uero copiosissima redire solet: ita ut si in plano aliquo loco thermae sitae essent, eodem quidem tempore duobus hominum milibus sufficerent, tanta est aquarum copia, tant abundantia, tanta ubertas.