Text.Penot.1595-01.F1v/Text

[p. 66] B[ernardvs] à Portv Sanctæ Aqvitanvs Lectori salutem.

Hae regulæ ex variorum authorum Libris per me excerptæ, quibus artis studiosus quilibet, integram artem breuiter depictam intelliget: Modo aptus idoneusque sit: Qui vero, se ad hæc accitum non senserit, quiescat: Ne sutor vltra crepidam: Igitur in vocatione qua quisque vocatus est ambulet. Alioqui vltricem Dei manum experietur. Etenim scientia hæc, cœlitus est; haud hominum arbitrio. Quæ tandem ad duræ ceruicis artificem siue militum, aut hominum sceleratorum manus, nusquam peruenit: sanctum potius hominem hæc ars inuenit, aut illum ipsum facit sanctum: discite ergo ô moniti iustitiam, vosque peruersi bene agite: quia sacra sacris, haud sanctum dare canibus licet.