Text.Penot.1595-01.!2v/Text
From Theatrum Paracelsicum
[sig. †2v] Pavli Melissi, Franci Epigramma ad avctorem.
Pergin Porte senex rimarier abdita rerum,
Quæque suo ingremio continet uber humus?
Viva metallorum te virtus attrahit ad se,
Ceu magnes ferrum vi penetrante rapit.
Tu contra allectas rudioris corda juventæ,
Naturæque aperis dia reperta catæ.
O te munificum, qui non abscondere tantas
In scrobis occulto divitias & opes,
Verum publicitus gestis emittere in auras,
Et ditare tuis sæcula nostra bonis!
Pectoris ingenui est, quod scis callesq́ue peritus,
Sponte sine invidiâ notificare aliis.
Haidelbergæ, anno 1595.
