Text.Drebbel.1621-01.C5v/Text

[sig. C5v] Morienus Romanus.

Præponit Dominus ex suis servis, quos vult, & eligit, ut hanc scientiam divinam, homini celatam quærant, & quæsitam secum retineant. Hæc enim scientia est, quæ dominum suum abstrahit ab huius mundi miseria & ad scientiam bonorum futurorum reducit.

In te signa mei, Morsi, dum poscis amoris.
En tibi non auri gazas, at terna relinquo
Inquirenda sophis paradoxa, mihi agnita vera,
Ter sex annorum multis erroribus usu:
Nil Fixum fieri poterit, natura nisi ipsa
Fixarit: nec quid tingi, nisi tinxerit: Una
Res uno coquitur, geminis sed vasibus, Igne.

Politissimo Genio, ingenio, virtute & doctrina clarissimo D[omi]n[o] Joachimo Morsio Hamburgo-Saxoni, veræ sapientiæ indaga- [sig. C6r] tori strenuo, in sui memoriam, nec non mutuæ amicitiæ tesseram reliquit, Michael Maierus Holsatus Comes Palat[inus] Medic[inae] Doctor, Rudolphi quondam Imperatoris & diversorum Principum Archiater, &c.

Magdeb[urgi] 13. Octob[ris] A[nno] C[hristi] M. DC. XX.