Text.Breler.1611-01.!1v/Text

[sig. [unsigned]1r] Nobilißimo Clarißimo Consultißimoq́ue Viro D[omino] Georgio Remo, Patricio Augustano I[uris] V[triusque] Doctori ac Reipub[licae] Noricæ à Consiliis inscriptus, a Melchiore Brelero Fvldensi, Philos[ophiae] Magistro & Poëta Coronato Polyglottophilo.

[sig. [unsigned]1v] Vir nobilis ac vere magne.

Oraculi vox est, non Poëta: Addo, non Scenæ dictum, sed Delphicæ cortinæ responsum. Qui cavet ne decipiatur, vix cauet, cum etiam cavet, etiam cum cavisse ratus, sæpe is cautor captus est. Et comprobavit hoc immortale illud Gallici Regni Palladium Henricvs IV. qui etsi pridiè quàm parricidæ sui funestas manus cruentaret, in ipsa solenni inauguratione proruentem in se populi impetum ac globum (cui & nefarius ille immixtus erat sicarius) per satellitium submovisset, Gallicanum tamen illum Atrea neutiquam potuit evitare. Ita videlicet Pater ille patriæ ac Francici Regni mortale Numen, post tot repulsas sicas, magni Tragœdiarum scriptoris effatum istud confirmavit: Quem sæpe casus transit, aliquando invenit. Et qui omninò optumus ille Regum personatos istos Brutos et Caßios à probis dignoscere poterat? Qui quales esse consueverint Solinus olim nos docuit: Similes hyænæ, quæ stabula pastorum sequitur, & auditu assiduo addiscit vocamen, quod exprimere possit imitatione vocis hu- [sig. [unsigned]2r] manæ: vt in hominemastu accitum noctu sæviat. In quo ego proloquium meum abrumpo, ac Bubonem istum vt Henrici IV. tragicis Jambis (solius fati interventum excipio) ad DD[ivi] Petri & Pauli Festum hîc à me, auspiciis Humaniß[imi] viri M[agistri] Leonhardi Lemmermanni, in theatrum educendi prodromum Nobilitati tuæ inscribo. Erit fortaßis in eo quod delectet, erit quod proborum aures mulceat, ac male feriatorum radat & scalpat. Quod si etiam duodecim feralis huius Tragœdiæ choros totidem mihi linguæ & nationes recitabunt: Tum vero ego demum optimo me Regi oppidò egregiè militavisse gloriabor. Vale Vir omnium Nobiliß[ime] ac verè Magne.