Text.BP190.!7v/Text

[sig. ¶7v] Artis spagyricæ ad lectorem prosopopœia.

Frvstra Pierides opem tulistis,
Vitta quæque meum liget decenter
Ornastis lepidum caput decora,
Tot ni deliciæ, tot aut lepores
Riuales mihi iam dedant amicos.
Ergo fronte meos terendo quærens
Nodus qui redimit tenus capillos
Dum piget mediam videre: tantum
Decus sollicitæ iacere noli.
Et te ni facies mouet, decénsque
Rubor, ni roseo cadens ab ore,
Saltem diuitiæ meæ beare
Quem possunt, faciant precor sodalem.

Verteuillius Burdegalensis.

Hunc non sperne librum, vel nos meliora doceto.
Nam turpe est alios carpere, scire nihil.