Paracelsus verweigert die Behandlung, ed. Zwinger (1571)
From Theatrum Paracelsicum
| Heading:
|
|
| Origin:
|
|
| Provenance:
|
|
Idem cum Basileae, ob laesae Maiestatis crimen solum uertisset, in Alsatia prope Columbariam
ad rusticum quendam extreme laborantem uocatus uesperi, propter compotationem cum
rusticis coeptam in matutinum usque uenire distulit. Ingressus truculento uultu, Ecquid sumpsisset, interrogauit,
Laudanum situm ei propinaturus. Qui adstabant, Coena Dominica excepta, nihil, responderunt:
iam enim miser ille animam agebat. Tum Theophrastus indignabundus, Ergo, inquit, si alium
medicum quaesiuit, opera mea opus non habet; seque propere foras corripuit.
