Christophorus Hornius to Maurice, Landgrave of Hesse-Kassel; 1611, December 13
| Author: | Christophorus Hornius | |
| Recipient: | Maurice, Landgrave of Hesse-Kassel | |
| Date: | 1611, December 13 | |
| Place: | no place |
|
| Pages: | 1 | |
| Language: | Latin |
| Editor: | Edited by Julian Paulus |
| Source: | Kassel, University Library, 2° Ms. chem. 19[1, f. 209 (olim 199) |
| Quote as: | https://www.theatrum-paracelsicum.com/index.php?curid=374 |
Regest (ChatGPT-4o)
Edition
[f. 209r] S[alutem].
Illustrissime et clementissime princeps:
Ad illust[rissimae] celsitudinis literas brevissime nunc respondeo: me artificium quoddam solvendi et praeparandi auri, ante anno scomplures (cum ad sylvam Harcyniam, chymicos experirer labores) tale invenisse: ut totum auri corpus facilimo negotio, absque omni minerali et corrosivo, in sulphur temperatissimum et quasi vivificum convertatur. Illud vero per cornu cervinum ustum administratur hoc modo: auri corpus prote limatum, cumque pulvere cornu cercini commixtum et fortissimo ignis calore solutum, cum vehiculo hoc suo (satis quidem penetrati, sed non ardente er arrodente), unica tantum calcinatione, ita unitur, exaltaturque: ut colorem quodammodo ad rubedinem vergentem acquirat, axume penetrabile et quasi spirituale efficiatur: & in quolibet morbo periculosissimo, tutissime et felicissime adhibeatur ac miranda operetur etc. Haec de medicamenti huius solaris vi, gratia et efficacia in humani corporis curatione vere adfirmare possum: in metallicorum autem corporum correctione et gradatione, illud quicquam posse, valde dubito.
Quandoquidem vero ipsum hoc artificium manu potius qam literis recte ob oculos ponitur: illud illus[trissimae] celsitud[ini] vestrae quandocumque libuerit, manu commonstrare, uti debeo, paratus fuero.
Hisce Deo opt[imo] max[imo] illstr[issimum] celsitud[inem] vestram etiam atque tuam commendo.
Dat[um] 13 decemb[ris] anno 1611.
Illustrissimae celsitudini v[estrae] subjectissimus et obedientissimus
Christoph[orus] Hornius
