Letters/Guillaume d'Ancel to Jacques Bongars, 1592-08-15
Nr. 56
Text
Monsieur, Jay receu tout a la fois uos deus lettres de 20. et 25. du passé. Je nous ay escrit mes dernieres des 8. et 12 du present. Vous en aurez icy une de Mr. Barnaud auec la poudre de proiection. Si elle nest meilleure que lexanimation de D. quil nous a desia enuoyée Je ne nous en estimeroy gueres plus riche. Mr Du port dît que ce sont fadesses.
Nous sommes icy attendans lyssue des conseils continuels qui s’y font pour la guerre Turquesque. LArchiduc Erneste demourera encore icy quelques iours a cet effet. Ou dit que mardy ou mercredy le Sr Nadasdi sera depesché pour aller en Croace. Si les Turcs oyent le vent de ses menaces et préparatifs je ne doute point quils ne iouent de leurs ieus. Encores que par auanture ils se reposeroient plus volontiers se contantans de ce quils ont occupé. Hornstein est pour arriuer en Saxe insternent aus Kreistag. Je m’ asseure quil rompra le coup qui s’y preparoit. Il ne faut gueres de chose pour espouuanter ces gens la. Le Docteur Betz sen va du costé du Rhein pour remonstrer aussi le danger Turquesque. Je seray bien aise de uoir que les Allemans se laissent faire breche a leur liberté et quil commancent a donner subsides sans Dicte.
De Pologne on escrit que la peste s’y augmente. On a fait icy mandemens pour se donner garde de ce qui viendra de ce costé la. Je nous baise les mains et supplie de dire a Madame de Fresnes que ie luy suis très humble serviteur que si elle me marie ie luy seray eselaue. Consentez moy aussi sil vous plaist Monsieur aus bonnes graces de Madamoiselle de Challonges et faites Estât tres certain de
De Prague le XVe Aoust 1592. Vostre petit varlet G. A.
