KassUB 2chem19.1 91

From Theatrum Paracelsicum
Author: Raphael Eglin
Recipient: Moritz Landgraf von Hessen-Kassel
Date: 1615 April 22
Place: Marburg
Pages: 1
Language: Latin
Editor: Edited by Julian Paulus
Source: Kassel, UB, 2° Ms. chem. 19[1, f. 91—92 (alt f. 83—84)
Quote as: https://www.theatrum-paracelsicum.com/index.php?curid=637
Names: Hans Ulrich Eglin; Caspar Waser; Jacob Alstein; Michael Sendivogius; Joseph Duchesne; Johannes Molther
Places: Zürich; Mecklenburg; Lich


[f. 91r] Illustrissime princeps, domine clementissime,

memor ill[ustrissim]ae excelsitatis v[estr]ae benignissima vocis, qua dixit velle se filium [=Hans Ulrich Eglin] meum in virum promovere, non possum non ingentes eidem cum meis agere & habere gratias, ob commissam ej sparten, quam ut non minus ornet prudentia, quam fide & industria, etiam atque etiam vehementer d[omi]num orabo, porque salute & incolumitate ill[ustrissim]ae exc[elista]tis v[estr]ae nunquam non ad patrem luminum excubabo meis precibus, omni subjectionis genere erga eandem omnem animi gratitudinem pro virili testificaturus. Itaque dimisi bonis avibus filium, postquam suas reculas collegisset, eumque sum ad pietatem & diligentiam in officio maximopere cohortatus, quo possit ill[ustrissim]ae exc[elsita]ti v[estr]ae, olum esse usui, ejusdemque sibi prolixiorem subinde promereri gratiam. Dominus Jesus ex alto prosperet coepta. Mitto hic a Wasero theologo primario Tigurino literas, in quibus habentur nonnulla nova. Sed & rursus huc venit Doctor Alsteinius, exspectaturus Mechelburgium insignem lithotomum Lichensem cum studioso. Is in superiore pharmacopolio haerens per me voluit ill[ustrissim]ae exc[elsita]t v[estr]ae suas inclusas humiliter offerri, dicens se quandam depressionem salinariam eidem transmittere. In abitur ejus mecum multa communicavit, quae videtur scire longe plurima, praesertim processum Sendivogianae tincturae & alteram Quercetanae, quas ubi jussus ero exhibebo fideliter. Dominus Doctor Moltherus hic affixus secto vix restitutionem virium sibi pollicetur, sed quotidie magis magisque vir omnis carnis adpropinquat: cui si humanitas quid contingat, non desunt, qui suadeant meam Domino Theutonico ut offeram operam; quod tamen non nisi unius ill[ustrissim]ae exc[elsita]ts v[estr]ae beneficio, ut accepter in eventum, sperare possum. Absque concionandi munere, saltem in pago, mihi grave accidit vivere, & aegre meo salario victum tolero. Sed in toto hoc rerum atque vitae mea genere ill[ustrissim]ae ex[elsita]ti v[estr]ae totum me humiliter subijcio, cujus mutui & arbitratuj secundum Deum me pridem consecravi. Ignoscat illa quaeso his meis literis, quas beneficium in filium collatum mihi expressit.

Deus ter opt[imus] max[imus] eandem cum tota inclyta domo diutissime conservet.

Marpurgi 22. april[is] [1]615.

Ill[ustrissim]ae excels[itat]ti v[estr]ae humilime subjectus servus

Raphael Eglinus Iconius