Flaminius Gasto (1571–1618) war Arzt.
Vater: Gabriel Gasto, Senator in Schwiebus, Sohn von Wolfgang Gast(o), Richter und Konsul ebenda. Mutter: Dorothea, Tochter von Martin Martini. Geschwister: Abraham Gasto (1570-1619, Jurist); Wolfgang (1585-1657, Arzt). Ehefrau: Eheschließung 1600. Kinder: Flaminius (gest. 1612).
auch: Flaminio; Gast, Gasto
G. wurde am 9. September 1571 in Schwiebus geboren. Nach dem Schulbesuch in Schwiebus wechselte er auf das Gymnasium in Görlitz und wurde schon 1578 an der Universität von Frankfurt an der Oder immatrikuliert. Er studierte Medizin in Wittenberg (1592), Leipzig, Altdorf (1592). Seine praktische Ausbildung als Arzt erhielt er bei Lorenz Scholtz in Breslau und Simon Simonius in Prag. Eine Italienreise führte ihn nach Bologna, Rom, Neapel, Padua; anschließend wurde er in Basel im Juni oder August 1597 zum Doktor der Medizin promoviert. Nach kurzem Aufenthalt in seiner Heimatstadt wurde er Stadtarzt in Guhrau (Schlesien), behandelte aber auch Adlige in ganz Schlesien. Herzog (Georg) Rudolf von Liegnitz und Brieg ernannte ihn zu seinem Berater und Hofarzt. Im August 1617 erkrankte G. schwer und starb am 5. Februar 1618. Er wurde in Hauptkirche von Guhrau beigesetzt.
Julian Paulus
Sources
Leichenpredigt: VD17 1:062540P = http://resolver.staatsbibliothek-berlin.de/SBB0001473600000000 = https://www.deutschestextarchiv.de/book/show/509966
Gedächtnisschrift: VD17 23:283951Q und VD17 125:007429R = http://purl.uni-rostock.de/rosdok/ppn767486552
Adam, Melchior: Vitae Germanorum medicorum. - [Frankfurt Main], 1620, 437-442; https://books.google.de/books?id=j1hOAAAAcAAJ&pg=PA437
[437] FLAMINIUS GASTO. IN ducatu Glogoviensi Silesiae ultra Viadrum loco opportuno et amoeno oppidum est Suibusium, sive a Suionibus vel Suevis, sive aliunde dictum: in quo ordinem equitum S. Mariae collocatum notat, diligens ille et primus annalium Silesiae au- [438] ctor Ioachimus Curaeus. Hoc in oppido exilium terrenum orsus est Flaminius Gasto, anno Christi millesimo, quingentesimo, septuagesimo primo, die nono Septembris, patre natus Gabriele, ibidem senatore, avo autem Wolfgango: qui ibi et iudicis et consulis officio annos quadraginta laudabiliter functus, annum aetatis attigit nonagesimum: viditque liberos ac nepotes centum et quindecim ante obitum. Mater ei fuit Dorothea Martini Martinii senatoris ibidem filia. // Hic autem Gasto a puero bonis litteris atque artibus dicatus, primum in ludo patrio; post Gorlicii Lusatiorum urbe celebri, sub Laurentio Ludovico, gymnasii rectore, felices in studiis fecit progressus. // Inde Wittembergam profectus philosophiae iuxta ac medicinae totum se dedidit: interque professores medicos Salomonem Albertum et Schatonem ibi audivit. // Wittemberga Lipsiam venit: et inde Altorfium Noricorum: ubi praeceptores habuit viros celebres Philippum Scherbium et Nicolaum Taurellum: socium vero studiorum suavissimum Ioachimum Olhafium, physicum postea Dantiscanum, et in gymnasio ibidem professorem anatomicum. Horum doctrina a theoria medica instructus, ad medicum practicum Laurentium Scholtzium, poliatrum Vratislaviensem, profectus est: atque ab hoc Pragam ad philosophum et medicum Caesarium Simonem Simonium. // E patria in Italiam progressus Bononiae aliquantisper substitit: ubi tunc Ulysses Aldrovandus, Flaminius Rota, Caspar Tagliacotius, Ioannes Costeus, Iulius Caesar Claudius, cui fuit in carissimis, efflorescebant. Romae Franciscum Patricium propter philosophiam Platonicam, Andream Caesalpinum, itemque Marsilium Cagnatum, aliis minime neglectis, audivit. Neapoli in antiquitatum naturae pleraque rara et mira spectavit: Paduae autem Aquapendente, Augenio, Saxonia aliis, familiariter usus, plurimum eorum, ut et aliorum excellentium artificum consuetudine profecit. // Basileae deinde, cum et in examine, et in disputatione publica de podagra satisfecisset doctoribus, sollemni ritu summum in arte medica est adeptus. Factum id anno saeculi prioris nonagesimo septimo, die Sextilis ultimo. // Ex Academiis et litteraria peregrinatione ad suos reverso, cum in patria locus non esset; Guram Silesiae, in Glogoviensi ducatu limitaneum oppidum, se contulit: ordinariusque illius rei pub. physicus est designatus. // Hic cum praeclare statim se darent initia praxeos eius: longe lateque tum in Silesia, tum Polonia est ab aegrotis omnium ordinum expetitus. Fuit ergo a cura valetudinis principibus, baroni- [439] bus, et nobilitati praecipue: adeo ut, postremis praesertim annis, dies noctesque, nulla diaetae, nulla valetudinis habita ratione, iam ad hos, iam ad illos fere depositos, ei fuerit proficiscendum. // Illustrissimus autem princeps Georgius Rodolphus, dux Silesiae Lignicensis ac Bregensis, eum et consiliarium et archiatrum sibi ascivit: tantique virum fecit; ut in morbo fatali, de quo mox dicemus, ipsemet ad eum invisere clementer sit dignatus. // Anno enim millesimo sexcentesimo, decimo septimo, die vicesimo sexto Augusti, febris eum vehemens corripuit: quam insecuta est aliorum morborum longa catena, dolores colici, nephritici, ventriculi, alii. Inter tot tamen longos dirosque cruciatus unice verbo DEI sese est consolatus: et inter alia in ore habuit haec dicta: Conteror; sed satis mihi est; quod hoc facit manus tua. // Illuc festino, ubi semper vivam. // Per multitudinem miserationum tuarum sana multitudinem dolorum meorum. // In cruce fixus amor meus es ante omnia IESU. // Ad meliorem tandem vitam abiit vicesima quarta morbi septimana, anno Christi millesimo, sexcentesimo, decimo octavo, die quinto Februarii, sub duodecimam pomeridiam: aetatis suae anno quadragesimo septimo, coniugii decimo octavo. Elatus est funere honorifico, inque templo primario illius oppidi sepultus: in quo coniux monumentum ei eiusmodi faciendum curavit: // D. T. O. M. ET IMMORT. FAMAE ELEGANTISSIMI MEDICI ET PHILOSOPHI D. FLAMINII GASTONIS ILLUSTRISS. PRINCIP. LINGN. AC BREG. CONSILIARII ET ARCHIATRI ET GURANAE REI PUB. ORDINARII PERITISSIMI VIRI [440] OMNI DOCTRINARUM ET LITTERARUM CULTU PIETATIS, GRATIARUM ET VIRTUTUM USU PLANE ADMIRABILIS: QUI CUM PIE VIVENDO, PRUDENTER CONSULENDO, BENE FACIENDO, FELICITER MEDICANDO DE QUIBUSVIS PRAECLARISS. MERERETUR HEU SUBITO! INGENTI CUM BONORUM OMNIUM MAERORE UMBRAM VITAE ISTIUS INVITAE BULLAM INANIS OPINIONIS ALIIS LIBERALIUS INSERVIENDO PRAETERIIT: CAELORUMQUE GLORIAM OMNEM SCIENTIAM, BONORUM SUMMAM RE FIDEQUE APPREHENDIT. ANNO CHRISTI CIC ICC XVIII. D. V. FEBR. AETAT. XLVII. CONIUG. XVIII. QUONDAM ANIMAE SUAE DIMIDIO: FIDEI SACRARIO: VITAE PRAESIDIO: HYGIAE ORGANO: CHARITUM DELICIO: VIRTUTUM OCELLO HOC AMORIS ET MNEMOS. MONUMENTUM P. P. P. BARBARA HELDIA CONIUX ET FILII IV. [441] GOTFRID. SEBAST. FRIDER. IOH. CHRISTIAN. GEORG. RUDOLPH. CUM DOLORE SUPERSTITES. // Lapidi autem sepulcrali haec inscripta sunt: //FLAMINIUS GASTO PRINCIPUM MEDICUS, ET MEDICORUM PRINCEPS QUAM PL. ALIIS ARTE SUA PROROGARAT SIBI IPSI PERPETUARE NEQUIVIT VITAM HANC LABILEM IMMO NOLUIT: CUM FATIS VOLENTIBUS IPSE LUBENS VOLENSQUE TERRAE HOC HOSPITIUM DESERERET CAELORUMQUE PATRIAM REPETERET RELICTO SUIS LUCTU, PIIS EXEMPLO, OMNIBUS DESIDERIO GLEBAE V. HUIC EXUVIO ANNO GRATIAE CIC. ICC. D. V. FEBR. // Tu quisquis es: Hospitio mundum; patriae tibi praefice caelum: // Flamine vive Deo: res age: salvus eris. // Vir hic fuit moribus placidissimis: linguae, praeter principes illas omnibus necessarias, Polonicae et Italicae peritissimus: medicus aegris desideratissimus, cum ob felicitatem ipsi propriam; tum ob singularem medicamentorum praeparationem: quae no- [442] rat in minori dosi et sine nausea propinare; ut tamen egregie operarentur et prodessent. // DEUM praeterea sincere coluit: proximo pro virili benefecit: orthodoxam religionem non obscure professus, ipse precum sibi formulas conscripsit, ad evangeliorum inprimis Dominicalium textum ductumve. // Commodo rei pub. scriptum edidit de peste, hoc titulo Flaminii Gastenis Discurs vom rechten nutz etlicher gebraeuchlicher Artzneyen/ bey wehrenden Sterbensleufften: cui ansam praebuit saevissima lues animi millesimi, sexcentesimi, octavi in qua ipse, ratione officii, omnibus petentibus fidelem praestitit operam, ab omni tamen contagio, DEI protectione, immunis. Plura eius ingenii monumenta ab heredibus asservari dicuntur: quae ut aliquando foras dentur, permulti optant. // Haec de Gastone medico elegantissimo ex delineatione M. S. vitae ipsius, a Gregor. Martinio med. D. et physico Wolaviensi ordinario ad nos transmissa.
Deutscher Mediziner; Arzt in Guhrau; 1578 Student in Frankfurt a. O. (non iuravit per aetatem), 07.02.1592 in Wittenberg, 02.11.1592 in Altdorf; in Basel am 09.06.1597 Dr. med.; Leibarzt des Herzogs Rudolf von Liegnitz
Matr. Basel 2, 453 n° 25
Supellex epistolica Uffenbachii et Wolfiorum
DbA I 370,263-264
Silesia togata, 87-88; https://books.google.de/books?id=xcpbAAAAcAAJ&pg=PA87
https://correspsearch.net/de/suche.html?s=http://d-nb.info/gnd/128798114&x=1&w=0
https://db.personalschriften.de/php/gs/xs2.php?f1=pnd&s1=128798114
