Martin Ruland's patients

Martin Ruland the Elder: Curationum, empiricarum et historicarum [...] centuria. Basel: Heinrich Petri, 1578 (BP.Ruland.1578-01)

1. Experta in Doctissimo uiro, Nicolao Reusnero I.V. Doctore, & in Illustriss. Generosissimique Principis ac Domini D. Philip. Ludovici, Palatini Rheni, Ducis Bauariae, Comitis Veldentiani, &c. Schola Laugingana celeberrima Legum Iuris Professore ac Rectore: qui anno aetatis suae circiter 23. ob capitis defluentes humores passus est Amygdalarum inflammationem, Vuulaeque casum: & ob id mali genus uix deglutiebat, difficulterque respicabat. Hunc ego paucis sequentibus remedijs sanaui.

2. Hac aegritudine infectus diu fuit nobilis & doctiss. uir M. Vuenzeslaus à Kaldenstain, praedicti Gymnasij Ducalis Philosophiae Professor, annos supra 30. natus: qui paucis pòst annis per mulierum fallaciss. curam & imposturam ex hydrope, Anasarca, piè ac placidè mortuus est. Hunc ego eum breui tempore Dei auxilio & medicina sequentia curaui.

3. Experta in Nobili uiro D. Leonhardo à Kemnath in Rosenberg, &c. qui, cùm ante annos aliquot in Hoechstetten Metropoli Commissarij officia & partes nomine & mandato Illustriss. cuiusdam Principis suscepisset, in utriusque Brachij, manuum, digitorum, pedumque Paralysin incurrit: ad quem accersitus obseruo mala haec ex nimia prouenire repletione. Rationem itaque curandi hanc breuem instituo.

4. Experta in Vlrico Root, affine meo chariss. qui nunc quidem Secretarium agit in aula Illustriss. & Pientiss. Principis ac D. D. Phil. Ludouici, Palatini Rheni, Ducis Bauariae, &c. D. mei clementiss. olim uerò natus annos 19. in schola Laugingana operam literis multam assiduamque nauans in Melancholiam, quam uariae tentationes comitatae sunt, incidit: quem Dei Opt. Max. manu & auxilio statim sanaui ad hunc modum.

5. Certò comperta mihi in Ioanne Holand filio consulis in Gundelfingen oppido, annos nato 24. melancholia uerò quinque annos correpto: quem ad mentis integritatem hac sequenti uia reduxi.

6. Experta in filiola mea Anna unicum annum nata: quam graui morbo Regio oppressam paucis diebus huiusmodi Decocto solo curaui.

7. Comperta mihi ipsi, cùm saepenumero per multos dies, immò etiam menses graui haemorrhoidum uenarum fluore opprimor, adeò ut uires uacuationis huius copia deijciat, & pro sanguine nigro ac crasso, ruberiam fluat.

8. Experta in Io. Kallharti uxore, quam anno aetatis 36. ab his morbis statim hac unica Potione liberaui.

9. Reuerendus, pietate & eruditione praestans uir, D. M. Georgius Codonius ecclesiae Catholicae Lauginganae Episcopus infestitissimè olim curciabatur Dentium dolore: tum ego supra dolentes dentes crebrò ad mouebam sequentem aquam lana uel linteolo exceptam: qua statim omnis dolor euanuit & plurimum ex ore phlegmatis profluxit.

10. Vxor mea [Anna Rulandina] puerpera conquerebatur mihi de graui dolore, quem sensit circa os uentriculi, à quo liberata statim est hoc modo.

11. Experta in Bissingen in Ioanne Römer 38 annos nato: qui in Hydropem, eiusque grauia symptomata deuenit, & ab omnibus deploratus habitus, per me Dei aspirante gratia paucis sequentibus adhibitis remedijs sanitati restitutus est.

12. Georgius Stuber sarctor in Bachagl. 30. natus annos longo tempore uomebat quaecunque comedebat ac bibebat: cuius uomitum sistebam potione ista.

13. Nobilis uidua Agnes Gissin in Brenz, &c. anno aetatis 63. in Dysuriam lapsa fuit, ad quam uocatus sequentem haustum exhibui: quo non solum aluo purgata fuit: sed urinam turbidam, ac crassam copiosè reddidit, & eodem die optimè ualere coepit.

14. Experta in Dillingen oppido in Georgio Brell, 30. annos nato, qui paucis his medicamentis adhibitis sanus euasit in 4. diebus.

15. Anna Teüflin coenobij Medingensis uestalis uirgo 36. annos nata, incidit in dolores colicos, quos sequenti Enemate non solùm mitigaui, sed penit`s sustuli.

16. Christophorus Vuerlin praepositus Monasterij Medingensis 35. anno aetatis suae grauibus uexabatur Torminibus: quos solo hoc Topico remedio sopiui.

17. Petrus Lohner studiosus in schola Laugingana Mania laborabat, & multos dies noctesque peruigilio uexabatur, circa aetatis annum 22. quem sanitati restitui Hypnotico isto.

18. Experta in Ioanne Hardhauser ex Altebaun, annos 52. nato: quem his paucis sanaui.

19. Experientia comprobata in Michaelis Gërgen uxore grauida in Burgen.

20. Ab his curatus per me fuit Nobilis uiri Egloph à Riedhaim, in Remsart, Hardhausen, Kaldeburg, &c. filiolus Ferdinandus 9 ann. natus.

21. Experta in Paulo Baur à Donalden, anno 71. agente.

22. Experientia comperta in Georgio Linder, habitante in Dischingen, anno 40. nato: qui paucis istis remedijs sanitatem adeptus est.

23. Benè comperta in Ioannis Pantels filia, anno 32. agente in Dilinga oppidulo: quae illico ex his corporis uitijs sana euasit per ista remedia.

24. Experta Dillingae in Christophori Heppelin uxore, an. 55. nata.

25. Verè experta in Dunalten in Pauli Baur filio, ann. 18. habente qui grauibus istis malis affligebatur: sed cùm ipsi praeberem sequens Hydragogum, mox euasit ac optimè conualuit, ita ut alio praesidio non opus habuerit.

26. Ieremias Homberg S. Theologiae Doctor in schola Laugingana circa aetatis annum 44. grauibus his morbis diu laborabat propter bilis abundantiam: pro quibus leuandis & pellendis, pauca sequentia remedia adhibui.

27. Experta Dillingae in uxore Berlen Freyen, agente annum 31 quam insania affectam, Deo adiuuante, sanitati pristinae reddidi adhibitis istis remedijs.

28. Experta & probata Eppenspurgi in uxore Ioannis Vueyss, cùm ageret annum 40.

29. Ab hac aegritudine uindicaui D. Michaëlem Monachum Coenobij Fuldebaci annum agentem tum 41. hoc solo purgante exhibito.

30. Experta Ginzburgi in Anna Schvuerzin nata annos 21. cui his remedijs subuêni, sanamque feci.