KassUB 2chem19.1 305
| Author: | Henricus Nollius |
| Recipient: | Moritz Landgraf von Hessen-Kassel |
| Date: | 1612 December s.d. |
| Place: | Treysa |
| Pages: | 1 |
| Language: | Latin |
| Editor: | Edited by Julian Paulus |
| Source: | Kassel, UB, 2° Ms. chem. 19[1, f. 305 (alt f. 292) |
| Quote as: | https://www.theatrum-paracelsicum.com/index.php?curid=549 |
| Places: | Zigenhain |
| Cited: | Hermes |
[f. 305v] Qvid velim, illustrissime & potentissime princeps, patrone musarum Hermeticarum dignissime, brevibus significabo. Ante bennium clariorem descriptionem subjecti universalis a me tua illustrissima celsitudo efflagitavit. Tum nondum satisfacere poteram. Distuli itaque responsionem in hunc usque diem, jam offero vestrae illust[rissimae] celsitudini libellos sex Hermeticos, atque eam oro, ut aliquid temporis in iis perlegendis subi insumat, atque cum in medio cursu musae Hermeticae meae aliquid naufragii faciant, eo me promoveat, ubi Hermeticum studium cum laude possim absolvere! Quod beneficium non solum Deus recompensabit, sed etiam ego sancte promitto, si quid tuae illustrissimae celsitudinis auxilio ex schola nostra didicero, id candide & sine oni fraude communi caturum.
Diu & felicissime tua illustrissima celsitudo in salutem patriae valeat, & suo responso clementi Nollium dignetur.
Dabam Treisae ex aedibus Hobrini mei, mense decembri a[nn]i [1]612.
T[uae] illustriss[imae] celsitudinis subjectissimus cliens
H[enricus] Nollius Zigenhainensis.
