Dedication, no date (1569), Gerhard Dorn to Wilhelm IV., Landgraf von Hessen-Kassel (BP110)
| Author: | Gerhard Dorn |
| Recipient: | Wilhelm IV., Landgraf von Hessen-Kassel |
| Type: | Dedication |
| Date: | no date [1569] |
| Pages: | 4 |
| Language: | Latin |
| Quote as: | https://www.theatrum-paracelsicum.com/index.php?curid=1959 |
| Editor: | Edited by Julian Paulus |
| Source: | Paracelsus, De Meteoris liber vnus, ed. Gerhard Dorn, Basel: Pietro Perna [1569], sig. [unsigned]2r–[unsigned]3v [BP110]
|
| CP: | Not in Kühlmann/Telle, Corpus Paracelsisticum |
| Back to Paratexts Back to Texts by Gerhard Dorn |
[sig. [unsigned]2r] Illvstrissimo Principi Gvilhelmo Lantgravio Hassiae, Comiti in Catzenelnbogen, Dietz, Ziegenhayn, & Nidda, Salus.
I Inter varia diuersi generis opuscula Theophrasti Paracelsi, quae vertenda susceperam è Germanico sermone, latineque reddenda, philosophici tres libelli meas in manus primùm inciderunt. Quos quôd longè doctiùs, & iuxta Christianae religionis profeßionem disserere multò sinceriùs viderem, quàm hactenus ab antiquis traditum fuit, alijs alio pòst seruatis loco hos praemittere volui, nempe de Meteoris vnum, alium de Matrice, tertium vero de Tribus primis substantijs rerumq́ue principijs. Non alia de causa quàm vt à fœlicioribus ingenijs comparatione facta iudicaretur, vtra, [sig. [unsigned]2v] vel praeceptoris nostri Paracelsi viri Christiani, veritatis amatoris atque vindicis in artibus, aut eorum quos ista semper latuit, vera falsaúe sententia foret. Si quos interim haec refellendi scripta Paracelsica caeteris cùm voluntas arripiat, experiantur quînam suis Ethnicorum & Gentilium scriptis Sacras delere literas valeant, quibus author noster ad sua philosophica praesertim probanda solùm & non humanis authoritatibus, quòd nullae sint, vtitur. Inde pòst referant, quàm contra stimulum calcitrare sibi facile fuerit. Medica verò, qui sin sensualibus pro parte sita, suis ad oculum demonstratis experimentis ex luce naturae fundatißimè docet: quam quidem euidentißimam & certißimam istius cognitionem ita vocat. Nec sua sinit etiam interdum Euangelicis allegationibus confirmare. Peßimè nonnullos habet ad medicinam & philosophiam stabiliendas adduci rationes Theologicas, discernendum- [sig. [unsigned]3r] q́ue (vt loquuntur) inter artes atque Theologiam ducunt. Si de illis artib[us] quas Apostolus inanem philosophiam vocat (argutam illam disceptandi rixandiq́ue rationem intelligens) ipsi loquantur, concedemus. At inter Christianam philosophiam artesq́ue similes & ipsam Theologiam nulla differentia, si ad scopum & finem, quem vnicum habent vtpote charitatem referantur. Nam Christianus verus nullum opus etsi mechanicum extra Christum exercet. Quapropter, Illustrißime Princeps, quum tua Celsitas, quae veritatem in omnibus tantùm, caeteris neglectis, aspicit, istius viri philosophi Germani cripta huic solùm innixa, fundata, nec non Sacris approbata literis viderit, fieri speramus, vt eius & monumentorum quae reliquit in abusuum reformationem, ab iniuriosis & falsis calumnijs praeter veritatem & aequitatem excogitatis, & per eos illatis, qui tollerare veritatem non poßunt, nec probabilibus rationibus expugnare: prote- [sig. [unsigned]3v] ctionem atque patrocinium suscipere minimè dedignabitur, praesertim, quòd solae T[uae] C[elsitudinis] hactenus commendata fuit semper viritas. Vale Princeps illustrißimè fœ, & viue.
Illustrißimae C[elsitudinis] T[uae] Seruulus
Gerardus Dorn.
