KassUB 2chem19.1 33

From Theatrum Paracelsicum
Author: Raphael Eglin
Recipient: Moritz Landgraf von Hessen-Kassel
Date: no date
Place: no place
Pages: 1
Language: Latin
Editor: Edited by Julian Paulus
Source: Kassel, UB, 2° Ms. chem. 19[1, f. 33 (alt f. 32)
Quote as: https://www.theatrum-paracelsicum.com/index.php?curid=648
Names: Castiglione; Hans Jacob Hochholtzer; Huober; Hans Heinrich von Siegerode; Wilhelm Wessel
Places: Zürich; Kreuznach; Kassel; Frankfurt am Main


[f. 33r] Scriptis iam litteris, illustrissime princeps, domine clementissime, supervenerunt literae domini Castiglionis a populari meo Hoholzero ad me missae, una cum data ad me, sua epistola & Huoberi Tigurini cheirographo, civis honestissimi, cujus manus mihi nota, quamvis illiterati. Rem certam, nec exigui momenti ill[ustrissim]ae c[elsitudin]i v[estr]ae offeri nemiquam dubito; ut qui jam ante compertum habuerim nonnihil de hac re. Nam quod de mercurio in argentum vertendo hic scribitur experimento jam explorato, licet non nisi semestri spacio, puto ego eadem opera nec majore sumtu posse verti in aurum; & ipse Hoholzerus innuit plus praestari posse, quam nunc proponatur. Sed quanto pretio sit redimendum meum non est judicare. Intellexi ex tabellario coemere hinc inde Hoholzerum magnam vim frumenti, quod invehatur Tigurum. Fuit Creutznachi; quid illum distinuerit illic, quo minus ipse Cassellas venerit, haud scio, nisi forte metuit Sigenrodium, cujus in literis mentionem facit. Scio in v[estr]am c[elsitudin]em ill[ustrissim]am ita affectum esse, ut omnia humilima & fidelia servitia semper eidem sit praestitutus, ubi ubi tandem fuerit. Habet agnatum Francofortensem civem, mihi notum, ad quem mittendum erit responsum, priusquam ille domum se recipiat, si modo illustrissima celsitudo v[estr]a rem dignam judicaverit, quam sibi praestari velit. Quidquid ejus est ill[ustrissim]am c[elsitudin]em v[estr]am supplex rogo, ne mihi ea res vitio detur, quod ill[ustrissim]ae c[elsitudin]i v[estr]ae ad me delatam humilime transmitto, ejusdem clementissimum responsum super toto negotio, quando visum ei fuerit, humiliter expectaturus. Tractatulum meum Wesselus (qui ante Fraternitatis famam impressam dedit) receperat se excusarum, si ab ill[ustrissim]a c[elsitudin]e v[estr]a ei clemens scripti copia fieret: id quod totum juxta ac ill[ustrissim]ae c[elsitudin]i v[estr]ae meipsum toto animo commenda, quam Deus opt[imus] max[imus] diutissime servet incolumem.

Ill[ustrissim]ae c[elsitudin]i v[estr]ae humiliter addictus famulus

Raphael Eglinus Iconius