KassUB 2chem19.1 84

Author:	Raphael Eglin
Recipient:	Moritz Landgraf von Hessen-Kassel
Date:	no date
Place:	no place
Pages:	2
Language:	Latin

Editor:	Edited by Julian Paulus
Source:	Kassel, UB, 2° Ms. chem. 19[1, f. 84—85 (alt f. 78—79)
Quote as:	https://www.theatrum-paracelsicum.com/index.php?curid=645

Names:	Hans Ulrich Eglin; Salis (eques a); Martinengus (comes); Hans Jacob Hochholtzer; Lambertus; Jacob Alstein; Johann Engel von Engelsberg; Georg Semling
Places:	Venedig; Spanien; Mailand; Schweiz; Magdeburg; Frankreich; Prag

[f. 84r] Illustrissime clementissimeque princeps ac domine,

filius meus [=Hans Ulrich Eglin] multo paratissimus est, nihilque magis cupit quam illustrissimae excelsitati vestrae servire in militia Veneta, si ejus clementissima commendatione & viatico instruatur; omnia diligenter & accurate perscripturus & exquisiturus. Meminit ill[ustrissim]a exc[elsitas] v[estr]a superiori anno equitem a Salis dominum Herculem, meum summum amicum, qui apud Venetos authoriate pollet maxima, tum per se tum propter avunculum Comitem Martinengum, de milite Hispano in territorio Mediolanensi voluisse ill[ustrissim]am c[elsitudin]em v[estr]am per me ceriorem fieri. Ejus viri & aliorum meorum fautorum tum in Rhetia tum in patria, poterit ei magno usui esse commoditas. Nihil in seipso patietur esse filius morae, quandocunque eum proficisci ill[ustrissim]a c[elsitud]o v[estr]a voluerit, ad maturandum negotium, vel cim Hoholzero, si sit opus. Fidum se & navum praestabit, quo magis probet se ill[ustrissim]ae v[estr]ae excelsitati. De Lamberto quid eadem velit fieri, si mihi vel verbulo clementissime innuatur, effectum dabo. Is Sigfridiorum reddi sibi cuperet cheirographum. Adfui hesterno die in superiori pharmacopolio Doctori Jacobo Altstein {am Rand ergänzt: Magdeburgensi} medico & chymico, omnium quot [f. 84v] mihi videre contigit, maxime admirando. Is notus est a multis annis tum in Gallia, ubi medicus fuit regius, tum Pragae in aula imperatoria, Angelo ab Engelsperg, qui mihi multa de homine mira retulit. Magnatibus & principibus viris in Europa plaerisque innotuit: quo nomine animadverti, si occasionem nancisci queat, cupere eum ill[ustrissim]ae excelsitati vestrae quoque commendari. Oro ill[ustrissim]a excelsitas vestra hanc meam supplicem epistolam sua dignetur clementia, meque cum filio, suo principali favore prosequi clementissime pergat.

Dominus Jesus eidem uberrime benedicat, amen.

Ill[ustrissim]ae excels[ita]ti v[estr]ae subiectissime addictus

Raphael Eglinus Iconius

{Nachgetragen:} In negotio capitanei Semling nihil imittam, quod jussus ero facere.